Tirohia i te reo Ingarihi

He kaupapa here tā Te Manatū Whakahiato Ora e mea ana me whai e āna kamahi ngā kano araimate kia haumaru katoatia ai. Hei paearu mā te kamahi me whakaatu taunakitanga mā ‘Tōku Pāhi Kano Āraimate (tō Hītori Hauora rānei).

Ngā ui e rite nei te puta

E taea ana te tono ki te tūranga mahi mehemea he kaitono o tāwāhi ahau?

E pōhiri atu ana mātau ki te hunga hiahia tono o tāwāhi ki ngā umanaga angitu. Hoi, kia mahi ki Aotearoa nei, me:

  • kirirarau o Aotearoa, me whai tētahi kātū kōkota noho o Aotearoa, whai ake rāneii
  • kirirarau o Ahitireiria, me kainoho rānei o Ahitireiria, whai ake rānei
  • e mau ana i tētahi kōkota mahi tika i nāianei.

Ka kite koe i te paetukutuku o te Ratonga Manene o Aotearoa e pehea nei koe e whiwhi kōkota mahi. 

E noho pūmau ai, me te mahi i Aotearoa nei, me kirirarau o Aotearoa, me whai ai tētahi kātū kōkota noho o Aotearoa rānei. Mehemea he kōkota mahi anake tāu, he mahi here wā anake ka taea otiia, kāore he mahi pūmau.

Me kirirarau o Aotearoa ahau hei mahi ki MSD?

Ehara i te mea me kirirarau o Aotearoa otiia, me whai tohu tūturu kōkota mahi hei mahi ki MSD.

He tāwariwari te āhuatanga o ngā mahi?

He tāwariwari ngā āhuatanga mahi puta whānuitia ki ngā takiwā katoa, tae rā anō ki ngā hāora mahi, ngā tukuna mahi rerekē, ngā wāhi o te mahi me tāwariwari i roto i te tūranga. Inā hoki, he rerekē ō mātau tāngata me ngā mahi kanorau e mahitia e rātau, ka rerekē anō te tāwariwaritanga ki a rātau e ai ki ngā mahi e mahitia ana e rātau, te kapa mahi me ō rātau ake hiahia. Ko ngā āhuatanga tāwariwari, me whai hoki ngā haepapa o MSD, me ngā mahi a te kapa, ngā hua me te tūranga o te kaimahi.

Ko ēhea ngā uniana hei hono māku?

Ko Te Rōpū Ratonga Tūmatanui (PSA) e manaaki nei i ngā kaimahi e mahi ana i ratonga o te tūmatanui. Ngā Kaimahi o Te Taitokerau i Te Hiranga Tangata (WINS) e manaaki nei ngā kaimahi i te Rohe o Te Taitokerau.

Ki MSD, ko te PSA me WINS, he taraketi, ā, ko a rātau mahi me te tautoko o ngā Rōpū, he:

  • tautoko i ngā mema ina hiahia tautoko ana, kōrero rānei
  • reo kōrero i ngā whakaaro tapatahi o ngā whakahaere me te anga whakamua o MSD ki te anamata
  • He whiriwhiri i ngā āhuatanga mahi mā ngā Whakaaetanga Tapatahi

Ka taea te whakapā atu ki te PSA mā te īmērā enquiries@psa.org.nz

He aha tā MSD whakaoti tirohanga wheako i mua i taku whakawhiwhinga mahi?

Mehemea ko koe hei kaitono mariu, ka āta tirohia koe e mātau, koia pea ēnei e whai ake nei:

  • ngā rīkoata hara ki te Pirihimana/Te Tāhū o Te Ture rānei
  • whakaūnga tuakiri
  • tirohanga pēkerapu mā te NZ Pēkerapu, te Ratonga Tarahiti me Veda Trace
  • ngā pūnaha ā roto me ngā tirohanga penihana
  • he whakaūnga i tāu rīkoata mātauranga/tohu
  • ngā tino whanonga kino
  • he tiro kaitautoko

Āhea ngā tirohanga kaimahi haumaru tamariki e mahi ai?

Ruarua nei ngā tūranga he herenga ōna ki ēnei tirohanga ki MSD. Mēnā e mahi pātata ana me ngā tamariki, rangatahi rānei, ka whakaotihia he tirohanga kaimahi haumaru tamariki e mātau. Mēnā e hiahiatia ana tēnei tirohanga, ka āta whakatakoto i ā mātau tairanga mahi.

He tāpiringa ngā Tirohanga Kaimahi Haumaru Tamariki ki ngā tirohanga wheako o runga ake nei.

Ko ngā Tirohanga Kaimahi Haumaru Tamariki e whai ake nei:

  • whakaūnga tuakiri
  • tirotiro tangata tuatoru
  • kanohi homiromiro pirihimana
  • hei kōrero anō me whai, arā, Tātai Pūmanawa me te uiui
  • arotakenga tūraru me te āta aromātai i ngā kōrero katoa kua tae mai kia kite ai rānei he tūraru pea a te kaitono, ki ngā tamariki, ā tōna wā rānei he tūraru ka puta.

Mēnā he tino taihara kino tāu, e kore e āhei e koe ki te mahi i roto i tētahi tūranga me ngā tamariki, he tūranga rānei he mana tōu ki runga ake i ngā tamariki.