Tā mātau mahi

Tā mātau hiahia kia whai hua pai ake mā nga iwi katoa o Aotearoa. Mā te mahi tahi me ētahi atu, ki ētahi atu hoki e whāia ai ko te ara torowhānui e ea ai ngā hiahia o te iwi, ā, kia uru tōmua atu e hua mai ai ngā hua papai atu.

He whānui ā mātau ratonga tautoko ki ngā iwi katoa o Aotearoa:

He pūtea tautoko me ngā ratonga pūtea penihana

Ngā tū tautoko ā mātau he moni oranga me ngā penihana, he pūtea tāoki pēnei me te Penihana Aotearoa, he moni tautoko whare noho, moni tautoko ā-tauira, (mā Hoto Akoranga) waihoki, he moni tautoko e hāngai ana ki ngā penihana tamariki.

Tautoko me ngā ratonga whiwhi mahi

Ka tūhono mātau i ngā kiritaki ki ngā kaiwhakawhiwhi mahi me ngā mahi angitū, ka whakapūkengahia ngā kiritaki mā ngā tū kaupapa ahumahi e urupare atu ai i ngā āhuatanga mahi ā-ringa o te hapori.

Te hunga rangatahi, kaumātua, whaikaha

Ka whakatakoto kōrero ārahi mō ngā take kei te pā atu ki te hunga rangatahi, kaumātua me te hunga whaikaha.

Tautoko whai whare

Ka tātari ai mātau mēnā rā e pai ai ngā paearu a te tangata kia whiwhi whare whawhati tata, whakawhiti, me ngā whare tūmatanui ka tautoko anō ai i ngā nama whiwhi whare.

Tautoko me te hunga rangatahi

Ka tautoko mātau i te hunga rangatahi ki te whakawhiwhi i ngā pūkenga e mahi ai rātau, kia rangatira ai ō rātau nā anamata.

Ngā ratonga hapori

Ka waihanga, ka whakarawe ratonga hapori mātau me ō mātau hoa haere. Mō te roanga mō ēnei ratonga, tirohia a raro nei.

He Kupu Takune

Tirohia tā mātau Kupu Takune, ka pehea ai koe e tākoha rourou e whai hua ai ki ngā iwi o Aotearoa:

Panuihia Te Kupu Takune 2017-2022